کسر جنح الأمل لیلی وطر بی
فبی للصبح چیف اسمه وطربی
الأمل للصبح غنّیته و طربی
اشنفع شو مابزغلی الفجر حیّه
ک: عبدالله النعیماوی
یذم بس، مرّه ماخله مرایل..
نفسه وعلبطِل ماظن مرایل..
یبیع اتشوفه بلسانه مرایل..
وتشوف افعاله بس تلگه الردیه...
عبدالله النعیماوی
انا عینی دمعها الدهر حالوب.
انا نظرة حنان ابمطر حالوب.
انا نای اونفخ بحشای حالوب..
وعزف موسوعه من آلام بیَّ.
عبدالله النعیماوی
دفع عرجه کبر وثمر جهلنه.
وصبح مکتب البی یدرس جهلنه.
مجدنه اندفن والعالم جهلنه.
نسانه وچن ولحنه اعله الوطیه..
عبدالله النعیماوی
ابحبه الگلب موش العگل شفته. العگل جن من جماله ابیوم شفته. کجوری ویاس عطره وشهد شفته.
وثغر فمه نغم یعزف علیه.
ک: عبدالله النعیماوی