باچر البس احلامی

«باچر البس احلامی»

های اسنین..

ادوّر روحی یم امسی..

لچن ماطیح بعلومی..

های اسنین..

ماهی ارسوم الأول باقیه ارسومی..

های اسنین..

ماظایگ حضن دافی..

ولا شارب یُغُم راحه..

ینزف شوگ، جرحی اسنین..

لچن بیَّ الأمل مامات، وجرحی الألم ماباحه..

اشما گالت تعبت الروح، گلتلها ابعزم گومی..

یحل ا‌لعید لو باچر یهل، گومی..

باچر راح اتم صبری..

وکسر حاجز الملعون..

الخانگ چان بلعومی..

وراح‌اصرخ:

انا سطح السمه بیتی..

و خِفَّة گلبی  خِفَّة طیر..

باچر راح اهد طیری،

یلم امن السمه انیومی..

باچر ترد آمالی تجی تندهنی من نومی..

و یرد امسی وطفل یِرْجَع کبر یومی..

باچر یفک حزنی العید وآکل من ثمر صومی..

باچر انزع اهمومی..

باچر البس احلامی ..

وتصیر مْلوّنه اهدومی...

ک: عبدالله النعیماوی